Whai muri mai i nga wahanga 146 me te 156 o te Ture Matauranga 1989, e panui ana au i nga korero e whai ake nei.
P a n u i
1. He panui tenei e karanga ana i te whakatutanga a
Te Wharekura o Kirikiriroa.
2. Ka whai mana tenei panui a te ra muri mai i te panuitanga ki roto i Te Panui o Te Kahete o Aotearoa.
3. E whakatu ana au i tetahi Kura Tuarua i Kirikiriroa.
Ko tona ingoa ko Te Wharekura o Kirikiriroa, a, ka tohungia te kura nei hei Kura Mana Motuhake.
Ko nga whainga, take me nga whakaaro nui o
Te Wharekura o Kirikiriroa
4. Me mohio te whanau whanui o te Wharekura o Kirikiriroa ki te Aho Matua hei tautoko i nga whainga,
take me nga whakaaro nui o te ahuatanga motuhake o
Te Wharekura o Kirikiriroa:
(i) Ko te reo matua o tenei kura ko te reo Maori, ara, te reo tohu, ako, korerorero hoki me te mohio hoki ka whakaakongia etahi atu reo i te kura nei.
(ii) Ma te kura e pupuri, e tiaki, e hapai te mana o nga tikanga Maori hei whakaaro nui o te kura kia kitea ai, kia pupurihia ai te mana o te ao Maori. Ka ata tirohia, ka ata whakamahia hoki nga kawa whakahaere me nga tikanga a Nga Iwi o Tainui, Te Kingitanga me Nga Iwi katoa o te motu.
(iii) Kia kitea ai he wahi ako tenei e aro ana ki nga ahuatanga katoa o te whanau whanui, ara, ki nga whare ako, ki te taha tinana, wairua, matauranga, ahurea, noho hapori hoki. Ka akoakongia nga akonga ki te uru ki roto i nga ahuatanga ako katoa o te ao nehe me naianei i te marautanga whanui, a, me te hangarau hoki.
(iv) Ka akiakingia nga ahuatanga katoa ki te uru ki roto
i nga akoranga katoa a te kura i runga ano i o ratou ake pumanawa, pukenga hoki.
(v) Ka ako nga akonga ki te mohio ki to ratou ao whanui
e pa ana ki te whakawhanaketanga i te ahurea, i te matauranga, i te whakaemi rawa me te hapori.
Ko te ahua o te Poari Whakahaere
5. Ka penei te Poari Whakahaere i Te Wharekura o Kirikiriroa:
(a) Tokorima nga tangata e tohua ana e te Minita.
(b) Ko te Tumuaki, te Tumuaki mo naianei noa ranei.
(c) Tokowha (kaua e nuku atu) nga tangata ka karangahia e te Poari.
Ka tohua i te Whanganui-a-Tara i tenei 18 ra o Hui Tanguru 2003.